काठमाडौँ । काठमाडौँ महानगरपालिकाले किम्ची फास्टफुड नाम रेष्टुरेन्टलाई २ लाख रुपैयाँ जरिवाना गरेको छ । आइतबार उक्त रेष्टुरेन्टले ग्राहकलाई बिक्री गरेको प्रशोधित पिउने पानीको बोतलमा कीरा सलबलाइ रहेको भेटिएको थियो ।
महानगरपालिकाकाअनुसार महानगरको बजार अनुगमन प्रमुखसहेत रहेकी उपप्रमुख सुनिता डङ्गोल प्रमुख अतिथि रहेको कार्यक्रममा रेष्टुरेन्टले अखाद्य पानी वितरण गरेको थियो । सिल गरेको प्रशोधित पानीको बोतल खोलेर गिलासमा खन्याएर पिउन थालेपछी वडा नं ११ का वडा सदस्य यशोमती परियारले पानीमा कीरा सल्बलाएको देखेकी थिइन् । उक्त कुरा उनले तत्कालै त्यही रहेकी उपमेयरलाई देखाएकी थिइन् ।
‘कार्यक्रममा उपस्थित महानगरपालिकाका उपप्रमुख सुनिता डङ्गोललाई पानीको बोतल देखाइयो । अनुगमन समितिका संयोजकसमेत रहनुभएका उपप्रमुख डङ्गोलले दुषित पानी बिक्री गर्नेलाई तत्काल कारवाही गर्न र कार्यक्रम तत्काल स्थगित गर्न निर्देशन दिएर उनी निस्किइन् ’ महानगरले भनेको छ । महानगरपालिकाको आन्तरिक छलफलको कार्यक्रम नै सो प्रकरण पछि रोकिएको पनि महानगरले जनाएको छ ।
