काठमाडौँ महानगरपालिकाद्वारा सम्बन्धित सरोकारवालाहरुसँग परामर्श नगरी धर्मपथ, जुद्धसाहिक देखि इन्द्रचोक तर्फको सडक खण्ड खिचापोखरी, प्युखा, महाबौद्ध, पाको लगायतका क्षेत्रमा सञ्चालित पार्किङ्ग निषेध गरिएको भन्दै स्थानीय तथा व्यवसायी आन्दोलनमा उत्रिएका छन् ।
काठमाडौँ महानगरपालिकाले न्यू रोड क्षेत्रमा पार्किङ्ग हटाउन गरिएको निर्णयले उक्त क्षेत्रमा रहेका विभिन्न वर्गका लाखौँ व्यवसायी, स्थानीय तथा सेवाग्राहीहरु अन्यायमा परेका भन्दै उनीहरु आन्दोलनमा उत्रिएका हुन् ।
व्यवसायमा संकुचन आएको समयमा पार्किङ्ग निषेध गरिनुले न्यूरोड क्षेत्रका स्थानीय तथा व्यापार व्यवसायी र सेवाग्राहीहरु निरास भएको उनीहरुको भनाई छ । काठमाडौँ महानगरपालिकाको गुरु योजना तथा गौरवको योजना अनुरुप ‘रोजगारी र आय वृद्धि, काठमाडौँ समृद्धि’ भनिरहदाँ महानगरकै यो निर्णयले नेपालको प्रमुख व्यावसायिक केन्द्रबाट व्यवसायीहरु पलायन हुन बाध्य हुने उनीहरुको ठहर छ ।
