एनसेलको ८० प्रतिशत सेयर बिक्रीविरुद्ध सांसदसमेत रहेका अमरेशकुमार सिंहले सर्वोच्चमा दर्ता गरेको रिटमाथि अदालतले कारण देखाउ आदेश जारी गरेको छ ।
सर्वोच्च अदालतका न्यायाधीश प्रकाशमान सिंह राउतको इजलासले उक्त रिटउपर कारण देखाउ आदेश जारी गर्नुका साथै दुवै पक्षलाई अन्तरिम आदेशका लागि छलफलमा बोलाएको हो ।
अदालतले आगामी पुस १६ गतेका लागि पक्ष र विपक्ष दुवैलाई छलफलका लागि बोलाएको हो ।
सांसद सिंहले रिट निवेदनमा नेपालको कानुनी प्रक्रिया छलेर राज्यलाई हानि पुग्ने गरी अपारदर्शी तवरमा एनसेलको सेयर खरिद–बिक्री भएको दाबी गरेका छन् । उनले सेयर खरिदबिक्रीको कारोबारलाई मान्यता नदिन पनि माग गर्दै सर्वोच्चमा मंसिर २२ गते रिट निवेदन दर्ता गरेका हुन् ।
पुस ३, २०८० ०८:४१ मा प्रकाशित
