१ असोज, काठमाडौं- क्रिकेटर सन्दीप लामिछाने विरुद्धको काठमाडौं जिल्ला अदालतमा विचाराधीन मुद्दाको फैसला सोमबार पनि नहुने भएको छ ।
उनीविरुद्धको जबरजस्ती करणीको मुद्दाको फैसला न्यायाधीश अभावमा स्थगितको सूचीमा परेको हो ।
तीज पर्व तथा पर्याप्तमात्रामा न्याायधीश नहुँदा लामिछानेको मुद्दा स्थगितको सूचीमा परेको हो ।
यसअघि गत भदौ २१ गते न्यायाधीश शकुन्तला कार्कीको इजलासले पीडित किशोरी र उनको परिवारको बसाइँसराइ अभिलेख झिकाउन आदेश दिएको थियो।
उक्त आदेशअनुसार सम्बन्धित स्थानीय तहले बसाइँसराइ सम्बन्धी विवरण गत साता जिल्ला अदालतमा पेस गरेकाले आजका लागि पेसी तोकिएको थियो । तर आजको पेसीसमेत जिल्ला न्यायाधीश अभावमा स्थगितको सुचीमा परेको हो ।
सन्दीपविरुद्ध एक किशोरीलाई बलात्कार गरेको अभियोग छ। ती किशोरीले गौशालाको एक होटलमा लगेर आफूलाई सन्दीपले पटक–पटक बलात्कार गरेको आरोपसहित २०८९ भदौ २१ गते प्रहरी वृत्त गौशालामा जाहेरी दिएकी थिइन्।
