भूकम्पबाट घाइते भएकाहरुको उद्धार, उपचार र राहतका लागि स्वास्थ्यकर्मी, उद्धारकर्मी र राहत सामग्री लिएर नेपाली सेनाका तीन हेलिकप्टर र नेपाल वायु सेना निगमको एक जहाज भूकम्प प्रभावित क्षेत्र गएका छन् ।
वीर र सशस्त्र प्रहरी अस्पतालका स्वास्थ्यकर्मीको टोली लिएर सेनाको स्काई ट्रक र स्वास्थ्यकर्मीनै सेनाको अर्को हेलिकप्टर पनि जाजरकोट र रुकुम पश्चिम क्षेत्रमा उडेको छ भने नेपाल वायु सेना निमयमा ट्विनअटर जहाज चौरहजहारी विमानस्थलतर्फ उड्ने तयारी गरेको छ ।
प्रधानमन्त्री पुष्पकमल दाहाल प्रचण्ड शनिबार बिहानै भूकम्प प्रभावित क्षेत्र जाजरकोट प्रस्थान गरेका छन् । जाजरकोट पुगेर उनले नेपाल वायु सेवा निगमका सबै जहाज रुकुमकेन्द्रित गर्न निर्देशन दिएका छन् ।
प्रधानमन्त्री पुष्पकमल दाहाल, उपप्रधानमन्त्री नारायणकाजी श्रेष्ठ, ऊर्जामन्त्री एवं जाजरकोटका सांसद शक्ति बस्नेत, रुकुम पश्चिमका सांसद जनार्दन शर्मा उपचार सामग्री र स्वास्थ्यकर्मीसहित प्रभावित क्षेत्र जारकोटमा पुगेका हुन् ।
