काठमाडाैँ । रवि लामिछाने पक्राउको विरोधमा चितवनमा प्रदर्शन भएको छ । सहकारी रकम अपचलनको मुद्दामा बयानका लागि रवि लामिछानेलाई चितवन लगेसँगै उनका समर्थकहरुले प्रदर्शन गरेका हुन् ।
भरतपुरको कृषि कार्यालय अगाडी जम्मा भएर रवि लामिछानेलाई चितवनबाटै रिहा गर भन्दै उनका समर्थकहरुले नाराबाजी गरेका छन् । उनीहरुले रवि लामिछानेलाई रिहा गर, राजनीतिक प्रतिशोध बन्द गर, रविलाई न्याय दे लगाएका नारा लगाएका थिए । कृषि कार्यालयबाट प्रदर्शनकारी अघि बढ्न खोजेपछि प्रहरीले रोकेको थियो । सो क्रममा प्रहरीले बल प्रयोग गरेको थियो ।
चितवन साहारा बहुउद्देश्यीय सहकारी संस्थाको बचत रकम अपचलनको मुद्दामा बयानका लागि लामिछानेलाई मंगलबार नै काठमाडौँबाट चितवन लगिएको हो । चितवन साहारा सहकारीको रकम अपचलनको विषयमा पीडितहरूले पछिल्लो पटक रास्वपा सभापति लामिछानेसहित १० जना विरुद्ध पुरक जाहेरी दिएका थिए ।
