काठमाडौँ । कोरियन भाषा परीक्षा (इपीएस)का लागि अहिलेसम्मकै धेरै आवेदन परेका छन् । शुक्रबार रातिसम्म आवेदन दिनेको संख्या करिब १ लाख ४४ हजार रहेको छ ।
वैदेशिक रोजगार विभागका इपिएस शाखाका अनुसार शुक्रबार राति १२ बजेसम्म १४३ हजार ८१२ जनाले भाषा परीक्षाका लागि आवेदन दिएका छन् ।
पुस गतेदेखि आवेदन खुल्ला गरिएपनि शुक्रबार आवेदनका लागि अन्तिम दिन थियो । इपिएस शाखाका अनुसार अनलाइनबाट आवेदन दिन सकिने व्यवस्था गरिएकाले अहिलेसम्मकै बढी आवेदन परेको हो ।
अहिले आवेदन दिएका र यस अघि गत साउनको भाषा परिक्षामा अनुत्तीर्ण भएकाहरु समेत परिक्षामा सहभागी हुन पाउने भएकाले भाषा परिक्षामा सहभागी हुनेको संख्या करिब १ लाख ७५ हजार पुग्ने छ ।
दक्षिण कोरिया सरकारले सन् २०२४ मा नेपालबाट १५ हजार ८ सय ४८ नेपाली रोजगारीका लागि लैजानेछ।
पुस ७, २०८० ०१:५९ मा प्रकाशित
