विराटनगर । कोशी प्रदेशको नामाकरणको विरोध गर्दै आएको ‘प्रदेश १ पुनः नामाङ्कन संयुक्त संर्घष समिति’ले नयाँ चरणको आन्दोलनको घोषणा गरेको छ ।
‘प्रदेश १ पुनः नामाङ्कन संयुक्त संर्घष समिति’ले सोमवार विराटनगरमा पत्रकार सम्मेलन आयोजना गरी चैत्र १० गते भित्र कोशी प्रदेशको नाम खारेजी र पुनः नामाङ्कन प्रक्रिया शुरु नगरे प्रदेश सांसदलाई निषेध गर्ने देखि प्रदेश सभा घेराउ, मुख्यमन्त्री कार्यालय घेराउ तथा अनिश्चितकालीन हडताल गर्नेसम्मका आन्दोलनको कार्यक्रम सार्वजनिक गरेको हो ।
पत्रकार सम्मेलनमा बोल्दै संयुक्त संर्घष समितिका संयोजक एवं किरात याक्थुङ चुम्लुङका केन्द्रीय अध्यक्ष प्रेम येक्तेनले आफुहरुको नामाकरणको आन्दोलन कोशी प्रदेशको पुनः नामाकरणनभए सम्म जारी रहने बताए ।
यसैगरी कोशीको नाम र लेटर प्याड चलाउने कर्मचारीलाई पनि कारबाही गर्ने संयुुक्त संघर्ष समितिले चेतावनी दिएको छ ।
