काठमाडौँ । काठमाडौँको अतिव्यस्त सडक मध्येको एक सोह्रखुट्टे–बालाजु सडकखण्डमा करिब ११ फिट अग्लो खाल्डो परेको छ । सडकमा खाल्डो परेपछि सवारी आवागमन अवरुद्ध भएको छ ।
भारी वर्षाका कारण सडक भासिएर खाल्डो परेको हुनसक्ने अनुमान गरिएको छ । उक्त खाल्डोमा बिहानै मोटरसाइकल समेत खसेको थियो । खाल्डोमा खसेको बा ५० प ३८२ नम्बरको मोटरसाइकल पछि क्रेनको सहायताले निकालिएको थियो । मोटरसाईकलका चालक भने सकुशल छन् ।
अहिले उक्त सडकखण्ड एकतर्फी सञ्चालमा छ भने खाल्डो मर्मत गर्ने तयारी गरिएको छ ।
असार १९, २०८१ ११:१० मा प्रकाशित
