काठमाडौँ । ट्रकको ठक्करबाट महिलाको मृत्यु भएपछि तनाबग्रस्त बनेको भक्तपुरको गठ्ठाघरमा प्रहरीले अश्रुग्यास प्रहार गरेको छ । आज दिउँसो ना ६ ख २१७३ नम्बरको ट्रकले बा ४९ प ८९४४ नम्बरको प्लेजर स्कुटरलाई ठक्कर दिएको थियो । ट्रकले स्कुटर चालकलाई ठक्कर दिएर करिब २० मिटर धसार्दै लगेको थियो । स्कुटर चालकको घटनास्थलमै मृत्यु भएको प्रहरीले जनाएको छ । ट्राफिक प्रहरीको चेकिङका कारण दुर्घटना भएको भन्दै आक्रोसित भिडले सडक अवरुद्ध गरेका थिए । सो क्रममा उनीहरुले प्रहरीमाथि आक्रमण प्रयास गरेपछि ट्राफिक प्रहरीको भागाभाग चलेको थियो ।
श्रावण ३१, २०८१ ०५:१६ मा प्रकाशित
