संविधानसभा सदस्य समेत रहेका सिभिल सहकारीका सञ्चालक इच्छाराज तामाङ सम्पत्ति शुद्धीकरण मुद्दामा दोषी ठहर भएका छन् ।
विशेष अदालतका अध्यक्ष टेकनारायण कुँवर, सदस्यहरु तेजनारायण सिंह राई र मुरारीबाबु श्रेष्ठको आइतबारको इजलासले उनको सम्पत्तिको स्रोत नखुलेको भन्दै सम्पत्ति शुद्धीकरण मुद्दामा दोषी ठहर गरेको हो ।
तामाङविरुद्ध सम्पत्ति सुद्धीकरण अनुसन्धान विभागले आपराधिक लाभमार्फत ३ अर्ब ३१ करोड ८५ लाख रुपैँया गैरकानुनी आर्जन गरेको अभियोगमा मुद्दा दायर गरिएको थियो । करिब डेढ वर्षअघि अघि दायर मुद्दामा उनलाई अदालतले दोषी ठहर गरेको हो ।
त्यस्तै उनीविरुद्ध ५ अर्ब बढी ठगी गरेको र संगठित अपराधको मुद्दा काठमाडौँ जिल्ला अदालतमा विचाराधीन छ ।
माघ ७, २०८० ०५:२२ मा प्रकाशित
