२७ भदौ, काठमाडौं - प्रहरीको केन्द्रिय अनुसन्धान ब्युरो सीआईबीले ब्रेक सुुमार्फत भएको सुन तस्करी प्रकरणको प्रतिवेदन सरकारी वकिलको कार्यालयमा पेस गरेको छ ।
सीआईबीले ३ अर्ब ५० करोड २ लाख १६ हजार ५ सय ५२ रुपैयाँ बराबरको बिगो दाबी गर्दै सोही बिगो कायम गरी मुद्दा चलाउन सरकारी वकिलको कार्यालयलाई रायसहितको प्रतिवेदन पेस गरेको हो ।
सीआईबीले ६१ किलो सुन तस्करी प्रकरणमा ५० जनालाई प्रतिवादी बनाउन रायसहितको प्रतिवेदन तयार पारेको छ । उनीहरुमाथि विभिन्न सातवटा कसुर लगाउन सिफारिस गरिएको छ ।
उक्त प्रकरणमा आरोपीहरुमाथि हालसम्म भन्सार ऐन, सङ्गठित अपराध, नेपाल राष्ट्र बैंक ऐन, अपराधसंहिता, नेपाल नागरिकता ऐन, राहदानी ऐन र अध्यागमन ऐनअनुसार कारबाहीका लागि सिफारिस गर्ने गरी अनुसन्धान प्रतिवेदन तयार पारिएको सिआइबीका प्रमुख तथा प्रहरी अतिरिक्त महानिरीक्षक किरण बज्राचार्यले जानकारी दिइन् ।
त्यस्तै उक्त अटनामा अहिलेसम्म ३२ जना पक्राउ परेका छन् जसमा २३ जना नेपाली र नौ जना विदेशी रहेकामा १८ जना फरार रहेका प्रहरीको भनाई छ ।
फरार रहेकालाई पक्राउ गर्न सीआईबीले पर्पल नोटिस जारी गरेको छ ।
