काठमाडौँ । अशोकराज सिग्देल नेपाली सेनाको प्रधान सेनापति नियुक्त भएका छन् । सरकारको सिफारिसमा राष्ट्रपति रामचन्द्र पौडेलले सिग्देललाई भदौ २४ बाट लागू हुने गरी नेपाली सेनाको प्रधान सेनापतिमा नियुक्त गरेका हुन् ।
सिग्देल नेपाली सेनाको ४५ औं प्रधान सेनापति बनेका हुन् ।
प्रधान सेनापति प्रभूराम शर्माले गत साउन २४ गते अशोकराज सिग्देललाई आफ्नो कार्यभार हस्तान्तरण गरेका थिए । प्रधान सेनापति शर्मा तीनवर्षे पदावधि आगामी भदौ २४ गते समाप्त भई अनिवार्य अवकाशमा जाँदै छन् । प्रधान सेनापति अवकाश हुनु एक महिना घर बिदामा बस्ने प्रावधान रहेअनुसार सिग्देलले कामु प्रधान सेनापतिको जिम्मेवारी पाएका थिए ।
भाद्र १२, २०८१ ०१:१९ मा प्रकाशित
