रौतहट । पूर्व–पश्चिम राजमार्ग अन्तर्गत रौतहटको धन्सर पुलमा टाटासुमो र मोटरसाइकल ठोक्किएर दुर्घटना हुदाँ २ युवकको मृत्यु भएको छ ।
मृत्यु हुनेमा मोटरसाइकलमा सवार सुनसरीको धरान उपमाहानगरपालिका–१५ बस्ने ३३ बर्षका तुलसी ओझा र मोरको सुन्दरहरैचा नगरपालिका–११ बस्ने बर्ष २८ का विवश बास्कोटा रहेको जिल्ला ट्राफिक प्रहरी कार्यालय रौतहटका प्रमुख सुशील आचार्यले जानकारी दिए ।
चन्द्रपुर नगरपालिका वडा नम्बर ४ स्थित पूर्वपश्चीम राजमार्गको धन्सार पुल नजिकैकोे लच्कामा पश्चिमबाट पुर्वतर्फ जाँँदै गरेको बाग्मती प्रदेश ०३–००१ च ५३१ नम्बरको टाटा सुमोले प्रदेश १–०२–०४३ प ८०२५ नम्बरको मोटरसाइकललाई ठक्कर दिदाँ मोटरसाइकलमा सवार दुवै जनाको घटनास्थलमै मृत्यु भएको आचार्यले जानकारी दिए ।
टाटा सुमो प्रहरीको नियन्त्रणमा रहेको छ भने चालक फरार रहेका छन् । सोमबार दिउँसो भएको सो दुर्घटना ओभरटेक गर्ने क्रममा भएको हुन सक्ने प्रहरीको अनुमान छ ।
