काठमाडाैँ । नेप्सेको ओरालो यात्रा सोमबार पनि कायम भएको छ । आज नेप्से परिसुचक ५७.०३ अंकले घटेर २५८०.७६ को बिन्दुमा पुगेको हो ।
सोमबार ३१२ कम्पनीको ७ अर्ब ३६ करोड १९ लाख ८८ हजार बराबरको कारोबार भएको छ । साउन अन्तिममा ३००० पुगेको बजार त्यसपछि भने लगातार ओरालो लागेको छ ।
आज सबै उपसमुहको कारोबारमा गिरावट आएको छ । सबैभन्दा धैरै फाइनान्स समूहमा गिरावट आएको हो । सो समूहमा ५.६६ प्रतिशतले गिरावट आएको हो ।
आज गुडविल फाइनान्सका लगानीकर्ताले सबैभन्दा धेरै गुमाएका छन् । सो कम्पनीमा नकरात्मक सर्किट लागेको छ ।
बजार घटेपनि २ वटा कम्पनीमा भने सकरात्मक सर्किट लागेको छ । आज सबैभन्दा धेरै कमाउनेमा आत्मनिर्भर लघुवित्त र हिमालयन हाइड्रोपावरका लगानीकर्ता रहेका छन् ।
भाद्र ३१, २०८१ ०३:५३ मा प्रकाशित
