काठमाडाैँ । राष्ट्रियसभा सदस्यमा डा अन्जान शाक्य मनोनीत भएका छन् । सरकारको सिफारिसमा राष्ट्रपति रामचन्द्र पौडेलले डा अन्जान शाक्यलाई राष्ट्रियसभा सदस्यमा मनोनीत गरेका हुन् ।
राष्ट्रपति पौडेलले नेपालको संविधानको धारा ८६ को उपधारा (२) को खण्ड (ख) बमोजिम शाक्यलाई राष्ट्रियसभा सदस्यमा मनोनीत गरेको राष्ट्रपति कार्यालयले जनाएको छ ।
गत चैत ३० गतेको मन्त्रिपरिषद् बैठकले राष्ट्रियसभाको रिक्त सदस्य पदमा डा शाक्यलाई मनोनीत गर्न राष्ट्रपति पौडेलसमक्ष सिफारिस गरेको थियो । नेपालको संविधानको धारा ८६ को उपधारा २ (ख) मा राष्ट्रियसभामा सरकारको सिफारिसमा कम्तीमा एक महिलासहित तीन जना मनोनीत गर्ने व्यवस्था छ ।
वैशाख ६, २०८१ १२:५३ मा प्रकाशित
