त्रिवुभन अन्तराष्ट्रिय विमानस्थलमा प्रहरीले अध्यागमन अधिकृतलाई कुटपिट गरेका छन् । शुक्रबार विमानस्थल भित्र प्रहरीबाट एक जना अध्यागमन अधिकृतमाथि कुटपिट भएको अध्यागमन विभागका महानिर्देशक रुद्र सिंह तामाङले बताए ।
अधिकृत छायाँलाल मोक्तानमाथि विमानस्थलको अराइभलबाट डिपार्चरतिर जाने सुरक्षा जाँच गरिने ठाउँमा कुटपिट भएको उनले बताए । ‘एक अधिकृत माथि प्रहरीबाट कुटपिट भएको छ,’महानिर्देशक तामाङले भने, ‘यसबारे सबै जानकारी लिन प्रयास गरिरहेका छौं । गृह मन्त्रालयलाई पनि सबै कुरा जानकारी गराएका छौं ।’
विमानस्थल अध्यागमन स्रोतकाअनुसार प्रहरी अधिकृतले अध्यागमन अधिकृतलाई लात्ताले हानेका थिए । प्रहरीले हानेको लात्ति विमानस्थलस्थित अध्यागमन कार्यालय प्रमृख गोगन बहादुर हमाललाई समेत लागेको थियो ।
माघ १२, २०८० ०४:०७ मा प्रकाशित
