उदयपुर । मदन भण्डारी लोकमार्ग अन्तर्गत उदयपुरको त्रियुगा नगरपालिका १ फुलजोरमा टिपरको ठक्करबाट दुई जनाको मृत्यु भएको छ । मंगलबार बिहान सदरमुकाम गाईघाटबाट पूर्वतर्फ जाँदै गरेको मोटरसाइकललाई विपरित दिशाबाट आएको टिपरले ठक्कर दिँदा गम्भिर घाइते भएका २ जनाको उपचारको क्रममा अस्पतालमा मृत्यु भएको प्रहरीले जनाएको छ ।
गाईघाटबाट पूर्वबेल्टारतर्फ जाँदै गरेको प्र १-०२-०५२ प ३९५८ नम्बरको मोटरसाइकलमा सवार रामधुनी नगरपालिका सुन्सरी घर भई त्रियुगा नगरपालिका ११ बस्ने ३० वर्षका रविन श्रेष्ठ र त्रियुगा नगरपालिका ३ चाँप बस्ने २४ वर्षकी हिरा राईलाई विपरित दिशाबाट आएको प्र १-२ ००१ ख ८५१४ टिपरले ठक्कर दिदा दुई जनाको मृत्यु भएको जिल्ला प्रहरी कार्यालय उदयपुरका प्रमुख प्रहरी उपरीक्षक रमेश थापाका बताए। ठक्कर दिने टिपर र चालक प्रहरीको नियन्त्रणमा रहेको र थप अनुसन्धान भइरहेको उपरीक्षक थापाले बताए ।
