एसीसी प्रिमियर कप क्रिकेट प्रतियोगिताअन्तर्गत मलेसियाले नेपालसामु हार व्योहोरेको छ । ओमानको अल अमेरत क्रिकेट मैदानमा भएको खेलमा नेपालले मलेसियालाई ५ विकेटले हराएको हो ।
टस जितेर पहिला ब्याटिङ रोजेको मलेसियाले निर्धारित २० ओभरमा तीन विकेट गुमाउँदै एक सय ४३ रनको योगफल बनाएको थियो । उक्त लक्ष्य नेपालले ४ बल बाँकी रहँदै हासिल गरेर विजय हात पारेको हो ।
नेपालका लागि सर्वाधिक आसिफ शेखले ३२ रन, कुशल भुर्तेलले २४, दीपेन्द्रसिंह ऐरीले २० र गुल्सन झाले १९ रन बनाएका हुन् । नेपालका लागि दिपेन्द्र सिंह ऐरीको उत्कृष्ट बलिङ र गुल्सन झाको उत्कृष्ट ब्याटिङ आजको खेलको निर्णायक साबित भयो ।
चैत्र ३०, २०८० ०७:२४ मा प्रकाशित
