नेकपा एमालेले मध्यपहाडी राजमार्गमा गरेको समृद्धि संकल्प यात्रा पाँचथरको चिवाभन्ज्याङ पुगेर समापन भएको छ ।
चिवाभन्ज्याङ पुगेर एमाले अध्यक्ष केपी शर्मा खोलीले राष्ट्रिय झन्डा फहराएर गत मंसिर १४ गतेदेखि सुरुभएको संकल्य यात्रा सम्पन्न गरेका हुन् । उनले जंगे पिलरमा चन्द्र सूर्य अंकिर राष्ट्रिय झण्डा फहराएर संकल्प यात्राको सम्पन्न गरेका हुन् ।
सम्बन्ध स्थानीय, सन्देश राष्ट्रिय भन्ने नाराका साथ मध्यपहाडका समस्याको पहिचान र समाधानका उपाय खोज्न मंसिर १४ गतेबाट एमालेले झुलाघाट चिवाभञ्ज्याङ समृद्धिका लागि संकल्प यात्रा सुरु गरेको थियो।
भारतसँगको सीमाना झुलाघाटमा अध्यक्ष ओलीले झण्डोत्तोलन गरेर अभियान सुरु गरेका थिए ।
एमालेको उक्त सङ्कल्प यात्रामा अध्यक्ष ओलीका साथै वरिष्ठ उपाध्यक्ष ईश्वर पोखरेल, उपाध्यक्षहरू युवराज ज्ञवाली, अष्टलक्ष्मी शाक्य, रामबहादुर थापा, विष्णुप्रसाद पौडेल र सुरेन्द्र पाण्डे, महासचिव शङ्कर पोखरेल, उपमहासचिवहरु प्रदीपकुमार ज्ञवाली, पृथ्वीसुब्बा गुरुङ, विष्णु रिमाललगायतका नेताहरु सहभागी थिए ।
