काठमाडौँ । राज्यका बिभिन्न निकायमा दलित समूदायको प्रतिनिधित्व हुनुपर्ने भन्दै काठमाडौंमा प्रदर्शन गरिएको छ । दलितका लागि दलित अभियानले नेपालले सरकार निर्माण तथा राजनीतिक नियुक्तिमा दलितलाई पनि सहभागीता गराउनुपर्ने भन्दै काठमाडौँको माइतिघरमा प्रदर्शन गरेका हुन् ।
उनीहरुले राज्य सञ्चालनका बिभिन्न निकायमा दलित समूदायलाई घृणा गरिएको बताएका छन् । प्रदर्शनमा सहभागीहरुले राज्यका महत्वपूर्ण निकायमा दलित समूदायको प्रतिनिधित्व गर्नका लागि निरन्तरत दवाव दिने जनाएका छन् । दलित समूदाय हक अधिकार स्थापीत गर्नका लागि पनि राज्यका निकायहरुमा आफुहरुको उपस्थीति हुनै पर्ने उनीहरुको भनाइ छ ।
प्रदर्शनका सहभागीहरुले, दलितलाई मन्त्री खै ?, दलितलाई बजेट खै ?, दलितलाई राजदूत खै ? लगाएत लेखिएका प्लेकार्ड प्रदर्शन गरेका थिए ।
श्रावण २६, २०८१ ०३:१६ मा प्रकाशित
