काठमाडाैँ । सहकारी ठगी प्रकरणमा सहकारी ठगी छानबिन संसदीय समितिले पूर्वउपराष्ट्रपति नन्दकिशोर पुनका छोरा दिपेशसँग सोधपुछ गरेको छ। रूपन्देहीको सुप्रिम बचत तथा ऋण सहकारी संस्थाको रकम हिनामिना प्रकरणमा मुछिएका उनीसँग समितिले बयान लिएको हो ।
प्रहरी अनुसन्धानमा सो सहकारीको तत्कालीन सचिव रहेको देखिएका दिपेश पुनसँग समितिले सिंहदरबारस्थित कार्यालयमा बोलाएर सोधपुछ गरेको हो।
गत वैशाखमा रुपन्देही प्रहरीले सरकारी वकिल कार्यालयमार्फत दिपेशसहितका २८ जनालाई प्रतिवादी बनाएर सहकारीका ८ हजारभन्दा बढी बचतकर्ताको ९६ करोड रूपैयाँ हिनामिना गरेको आरोपमा जिल्ला अदालतमा मुद्दा दायर गरेको थियो।
श्रावण ३२, २०८१ ०२:१३ मा प्रकाशित
