८ असोज, काठमाडौ । पूर्वमन्त्री रामकुमार श्रेष्ठ अकुत सम्पीत्त आर्जनमा दोषी ठहर भएका छन् । पूर्वुसचिवसमेत रहेका श्रेष्ठले ४ करोड ४५ लाख २७ हजार ६ सय ६६ रुपैयाँ ९८ पैसा अकुत आर्जन गरेको भन्दै अख्तियार विशेष अदालतमा मुद्दा दायर गरेको थियो ।
सोमबार विशेष अदालतका न्यायाधीश यमुना भट्टराई र खुसीप्रसाद थारुको इजलासले श्रेष्ठलाई दोषी ठहर गरेको हो ।
उनी खिलराज रेग्मी नेतृत्वको चुनावी सरकारमा २०६९ चैतदेखि २०७० माघसम्म पर्यटन, शान्ति तथा खेलकुदमन्त्री बनेका थिए । २०२६ सालमा शिक्षकबाट सरकारी सेवा थालेका उनी २०३६ सालमा शाखा अधिकृत नियुक्त भएका थिए । उनले २०६४ सालमा सचिवबाट अवकाश पाएका थिए ।
आश्विन ८, २०८० ०९:१७ मा प्रकाशित
