काठमाडाैँ । आदमघाट नजिकै पहिरो खस्दा पृथ्वी राजमार्ग अवरुद्ध भएको छ । धादिङको गजुरी गाउँपालिका ६ बेल्खुमा पहिरो खस्दा राजमार्ग बन्द भएको हो ।
इलाका प्रहरी कार्यालय गजुरीको अनुसार करिब ५ बजेको समयमा राजमार्गमा पहिरो खसेको थियो । पहिरो सूचना पाउनेवित्तिकै डोजर पठाइएको प्रहरीले जनाएको छ । पहिरो पन्छाउन केही समय लाग्ने गजुरीका एक प्रहरी अधिकृतले बताए ।
आज नै मर्स्याङ्दीमा खसेको भारतीय बस निकाल्ने क्रममा ८ घण्टा पृथ्वी राजमार्ग अवरुद्ध भएको थियो । अहिले फेरि आदमभाटमा खसेको पहिरोले राजमार्ग अवरुद्ध भएको छ । जसले राजमार्गमा यात्रा गर्ने यात्रु तथा मालबाहक सवारीसाधन मर्कामा परेका छन् ।
भाद्र १०, २०८१ ०५:२५ मा प्रकाशित
