काठमाडौँ । माइतीघर मण्डलाबाट लखेटिएपछि शान्तिवाटिकामा बिभिन्न माग राख्दै धर्नामा बसेकाहरुलाई त्यहाँबाट पनि हटाइएको छ । उनीहरुलाई काठमाडौँ महानगर प्रहरीले त्यहाँबाट हटाएको हो । मिटरब्याज पीडितहरुले न्याय माग्दै धर्ना दिदै आएका थिए भने आरती साहको न्यायको लागि भन्दै उनको परिवार पनि धर्नामा बसेका छन् । त्यस्तै न्यायाधीश भुवन गिरीलाई कारवाहीको माग गर्दै आरती रावल पनि अनसनमा बस्दै आएकी छिन् ।
माइतिघर मण्डलामा निषेधाज्ञा जारी भएपछि उनीहरुलाई त्यहाँबाट हटाइएको थियो । त्यसपछि उनीहरु शान्तिवाटिकामा बस्दै आएका थिए । र अहिले महानगरले त्यहाँबाट पनि हटाएको छ ।
माघ २३, २०८० ११:१७ मा प्रकाशित
