३१ भदाै - ६० किलो सुन प्रकरणमा प्रहरीले मुद्दा नचलाउन राय दिएको भन्सार एजेन्ट रुक्मिना सुब्बाविरुद्ध पनि मुद्धा दर्ता भएको छ।
क्यान्सर रोगबाट ग्रसित उनलाई पक्राउ परेको केही दिनमै प्रहरीले रिहा गरेको थियो। त्यस्तै प्रहरीले अनुसन्धान प्रतिवेदन बुझाउँदा समेत सुब्बालाई प्रतिवादी नबनाउन सरकारी वकिलको कार्यालयलाई राय दिएको थियो।
तर सरकारी वकिलको कार्यालयले भने सुब्बाजस्तै कार्यमा संलग्न अरु भन्सार एजेन्टलाई प्रतिवादी बनाउँदा उनलाई उन्मुक्ति दिन नमिल्ने भन्दै मिसिलसहित अदालतमा बुझाउन राय दिएको हो।
उनीसहित २६ जना पक्राउ र ३ जना फरारविरुद्ध मुद्धा दर्ता भएको हो। फरारमा कमला रोका, भोला सराफ, जीवन चलाउने रहेका छन्।
भाद्र ३१, २०८० ०८:५५ मा प्रकाशित
