काठमाडाैँ । प्रत्येक वर्ष श्रावण शुक्ल पूर्णिमाका दिनमा मनाइने उपाकर्म, ऋषितर्पणी र रक्षाबन्धनका दिन आज पशुपति मन्दिर क्षेत्रमा बिहानै देखि जनै फेर्ने, डोरो बाँध्नेहरुको भीड लागेको छ । यस पर्वमा विधिपूर्वक स्नान, ऋषि तर्पण, जनै परिवर्तन साथै हातमा डोरो बाँध्ने गरिन्छ ।
सत्ययुगमा दानवद्वारा लखेटिएका देवगणलाई गुरु वृहस्पतिले रक्षा विधान तयार गरी बलशाली दानवराज बली बाँधिदिए । म तिमीलाई बाँध्छु, यसले तिमी सुरक्षित बन तथा विचलित नहोऊ भनी डोरो बाँधेर जोगाएका थिए भन्ने पौराणिक मान्यताका आधारमा चलेको रक्षाबन्धनको परम्परा आज पनि प्रचलित छ।
यस पर्वको अवसरमा आज राजधानीको पशुपति मन्दिर, ललितपुरको कुम्भेश्वर, भक्तपुरको डोलेश्वर मन्दिरमा श्रद्धालुहरूको बाक्लो उपस्थिति रहेको छ ।
भाद्र ३, २०८१ ०९:२२ मा प्रकाशित
