रुपन्देही । राष्ट्रिय स्वतन्त्र पार्टी (रास्वपा)का सभापति तथा पूर्व गृहमन्त्री रवि लामिछानेको आज पनि सकिएको छैन । लामिछानेका स्वकीय सचिव अविनाश आचार्यका अनुसार लामिछानेसँग आज बिहान सवा १० बजेदेखि जिल्ला सरकारी वकिलकाे कार्यालय रुपन्देहीमा बयान लिन सुरु गरिएको थियो । लामिछानेसँग हिजो मौखिक बयान लिइएको थियो भने आज लिखित बयान लिइएको हो । साँझ ७ बजेसम्म पनि उनको बयान नसकिएपछि फेरि भोलि लिइने भएको छ ।
भोलि बयान सकेर साँझसम्म लामिछानेलाई पोखरा लैजाने तयारी प्रहरीले गरेको छ ।
हिजो बयान सकेर बार्दलीबाट रवि लामिछानेले ‘खोरमा थुन्दैमा बाघ स्याल हुँदैन’ भन्ने अभिव्यक्ति दिएका थिए । आज उनलाई बोल्न नदिनका लागि प्रहरीले कार्यालय गेटदेखि बयान कक्षसम्म घेरा लगाएर भित्र छिराएको थियो । त्यस्तै बयान कक्षबाट निस्कदा पनि प्रहरीले उस्तै घेरा बनाएको थियो । रविले प्रतिक्रिया दिन नपाउन भनेर सञ्चारकर्मीले भिडियो खिच्न नसक्नेगरी छेकिएको थियो । उनलाई बयान कक्षबाट निकाल्दै गर्दा समर्थकहरुले सरकारी वकिलको कार्यालयअघि नाराबाजी गरेका थिए ।
लामिछानेलाई आज जिल्ला प्रहरी कार्यालयकै हिरासतमा राखिएको छ । भोलि बयान सकेर साँझसम्ममा पोखरा लैजाने प्रहरीको तयारी छ ।
