काठमाडाैँ । राष्ट्रिय स्वतन्त्र पार्टीका सांसद हरि ढकालले काठमाडौं महानगरले फुटपाथ व्यवसायीमाथि गरेको ज्यादतीको निन्दा गरेका छन् । शुक्रबारको संससद बैठकमा बोल्दै उनले सरकरालाई उक्त घटनाको छानबिन गर्न ध्यानाकर्षण समेत गराएका छन् ।
प्रकाश सपुतको गीत ‘मेरो पनि होइन र यो देश’ र स्थानीय निर्वाचनको समयमा काठमाडौँ महानगरका मेयरले नै गाएको ‘गरिबको चमेली बोल्दिने कोही छैन’ भन्ने दुई गीत स्मरण गर्दै सांसद ढकालले फुटपाथ व्यवसायीमाथि ज्यादती भएको बताए । ‘अस्ती राति काठमाडौं महानगरपालिकाले फुटपाथ व्यवसायीमाथि त्यहाँको सुरक्षा प्रशासनको ज्यादतीतको निन्दा गर्न चाहन्छौँ ।’ ढकालले भने ‘सरकारलाई उक्त घटनाको छानबिन गर्न ध्यानाकर्षण गर्न चाहान्छौँ । ’
साथै उनले चितवन भनेको भरतपुर मात्र नभएर अन्य भुगोल हो भन्दै चितवन भनेको भरतपुर मात्रै हो भन्ने गरी भरतपुर महोत्सव आयोजना गरिएको प्रति आपत्ति जनाए । साथै उनले तत्काल दुध किसानको भुक्तानी गर्न पनि माग गरे ।
