काठमाडाैँ । रष्ट्रिय स्वतन्त्र पार्टीका नेता मनिष झाले कांग्रेसको एकपक्षीय अडानका कारण संसदीय समिति गठन हुन नसकेको बताएका छन् ।
शुक्रबार बानेश्वरमा सञ्चारकर्मीसँग कुरा गर्दै झाले संसदीय समिति गठनका लागि टिओआरमा सहमति जुटिसकेको अवस्था कांग्रेसले एकपक्षीय रुपमा बिभिन्न सर्तहरु थपेर पठाएको आरोप लगाए ।
उनले आफुहरुले सदनमा जवाफ दिन पाउनुपर्ने र सवै समस्याको एकमुष्ट समाधान खोज्नुपर्ने मात्रै रास्वपाको अडान रहेको धारणा राखे ।
समिति गठनका लागि टिओआरमा आफ्ना नेताहरु समेत सहभागी भएको अवस्थामा रास्वपा संसदीय समितिका लागि तयार छैन भनेर भन्न नमिल्ने उनको भनाइ छ ।
झाले बिगतको ३४ बर्षमा कांग्रेसले के के गर्यो भन्ने सवै जानकारी रहेको भन्दै रास्वपामाथि लागेको दाग राजनीतिक बिषय नभएको बताए ।
जेष्ठ ४, २०८१ ०५:१८ मा प्रकाशित
