काठमाडौँ । अध्यागमन विभागका महानिर्देशक रुद्र सिंह तामाङविरुद्ध भ्रष्टाचार मुद्दा दायर भएको छ । मेलम्ची खानेपानी परियोजनामा भ्रष्टाचार भएको भन्दै अख्तियार दुरुपयोग अनुसन्धान आयोगले तत्कालीन मेलम्ची खानेपानी विकास समितिका पदाधिकारी तथा ठेकेदार र परामर्शदाताविरुद्ध आइतबार विशेष अदालतमा भ्रष्टाचार मुद्दा दायर गरेको हो ।
दुई जना पूर्वसचिव समेत तत्कालीन काठमाडौँ महानगरपालिकाका तर्फबाट बोर्ड सदस्य रहेका तामाङविरुद्ध अख्तियारले विशेष अदालतमा भ्रष्टाचार मुद्दा दायर गरेको हो ।
तामाङ काठमाडौँ महानगरपालिकाका प्रमुख कार्यकारी अधिकृत हुँदा मेलम्ची खानेपानी विकास समितिका सदस्य थिए । तामाङ हाल गृह मन्त्रालय मातहतको अध्यागमन विभागका महानिर्देशक छन् । उनीविरुद्ध ११ करोड ९ लाख १७ हजार रुपैयाँ बिगो मागदाबी गरिएको छ ।
फाल्गुन ६, २०८० ०५:०६ मा प्रकाशित
