गण्डकी । सहकारी प्रकरणमा पक्राउ परेका रास्वपा सभापति रवि लामिछानेलाई आइतबार कास्की जिल्ला अदालतमा उपस्थित गराइँदै छ । शुक्रबार काठमाडौँबाट पक्राउ गरेर लामिछानेलाई पोखरा लगिएका थियो ।
सूर्यदर्शन बचत तथा ऋण सहकारी संस्थाको रकम जीबि राईले गोरखामा मिडियामा ल्याइसकेपछि कार्यालय सञ्चालनकालागि लामिछानेले खर्च गरेको भन्दै उनी विरुद्ध अनुसन्धान चलिरहेको छ ।
तर रास्वपाका समर्थकहरु भने रवि लामिछानेलाई सहकारी छानबिन समितिलेनै सहकारीमा रकम अपचलनमा संलग्न नदेखिएको, गोरखामा मिडियामा आएको रकम कार्यालय चलाउन खर्च गरेको भनेर लेखेपछि पनि राजनीतिक प्रतिशोधका आधारमा लामिछानेलाई पक्राउ गरिएको बताउँदै आएका छन् ।
लामिछाने पक्राउको विरोधमा रास्वपाले प्रर्दशन गरिरहेको छ ।
कार्तिक ४, २०८१ ०८:०० मा प्रकाशित
