त्रिभुवन विमानस्थलबाट आधा किलो सुनसहित एकजना पक्राउ परेका छन् । पक्राउ पर्नेमा झापाका खगेन्द्र दर्जी रहेका छन् ।
कतारको दोहाबाट त्रिभुवन विमानस्थल उत्रिएका उनलाई आधा किलो सुनसहित त्रिभुवन विमानस्थल भन्सार कार्यालयले पक्राउ गरेको हो ।
दर्जीले ४९९ ग्राम सुनलाई तरल पदार्थ बनाएर तस्करी गरी ल्याएको अवस्थामा पक्राउ गरेको हो । उनी हिमालय एअरलाइन्सको एच नाइन ५६४ नम्बरको उडानबाट कतारका दोहादेखि काठमाडौँ आएका थिए ।
उनीबारे थप अनुसन्धान भइरहेको त्रिभुवन विमानस्थल भन्सार कार्यालयले जनाएको छ ।
माघ ७, २०८० ०१:२२ मा प्रकाशित
