काठमाडौँ । दक्षिण कोरियाको मुआनमा १८१ यात्रु बोकेको जहाज दुर्घटना भएको छ । बैंककबाट फर्कदै गरेको विमानमा चालक दलका छ सदस्यसहित १८१ जना सवार थिए ।
सवारमध्ये हालसम्म २ जनाको जीवितै उद्धार गरिएको छ भने अन्यको मृत्यु भएको उद्धारमा खटिएका उद्धारकर्ताहरुले जनाएका छन् । जेजु एयरको विमान अवतरणका क्रममा धावनमार्गबाट चिप्लिएर भएको दुर्घटनामा परि एक चालक दलका सदस्य र एक यात्रुलाई जीवितै उद्धार गरी स्थानीय अस्पतालमा उपचारका लागि पठाइएको छ ।
सियोलबाट करिब २८८ किलोमिटर दक्षिणपश्चिममा रहेको दक्षिण जियोला प्रान्तको मुआन काउन्टीस्थित मुआन अन्तर्राष्ट्रिय विमानस्थलमा जेजु एयरको विमान अवतरणका क्रममा धावनमार्गबाट चिप्लिएर पर्खालमा ठोक्किँदा दुर्घटना भएको हो ।
तस्विरहरु : एएफपी
पुस १४, २०८१ १२:५५ मा प्रकाशित
