काठमाडौँ । प्रतिनिधि सभाबाट विश्वासको मत प्राप्त गर्न नसकेपछि सरकार काम चलाउन बनेको छ । अब अर्को मन्त्रिपरिषद् गठन नभएसम्म अहिलेको सरकारले काम गर्ने राष्ट्रपति कार्यालयले जनाएको छ ।
प्रधानमन्त्री पुष्पकमल दाहाल प्रचण्डले प्रतिनिधि सभाबाट विश्वासको मत नपाएपछि राष्ट्रपति रामचन्द्र पौडेलले अर्को मन्त्रिपरिषद् गठन नभएसम्म यही सरकारले काम गर्ने गरी जिम्मेवारी तोकेका हुन् ।
प्रधानमन्त्री प्रचण्डले शुक्रबार प्रतिनिधि सभाबाट विश्वासको मत नपाएको जानकारी सभामुख देवराज घिमिरेले राष्ट्रपति पौडेल गराएसँगै राष्ट्रपति पौडेलले काम चलाउ सरकारकारुपमा जिम्मेवारी तोकेका हुन् ।
राष्ट्रपति कार्यालयले विज्ञप्ति जारी गर्दै संविधानको धारा ७७ को उपधारा ३ बमोजिम अर्को मन्त्रिपरिषद् गठन नभएसम्म यही सरकारले कार्य सञ्चालन गर्ने गरी जिम्मेवारी तोकिएको उल्लेख गरेको छ ।
असार २८, २०८१ ०८:०४ मा प्रकाशित
