काठमाडौं । प्रहरी केन्द्रिय अनुसन्धान व्युरो सिआइबीले बाँसबारी छालाजुत्ता कारखानाको जग्गा नामसारी भएको घटनामा व्यवसायी अरुण चौधरी सहित दुई जनालाई पक्राउ गरेको छ ।
छालाजुत्ता कारखानाको १० रोपनी जग्गा सीजी रेसिडेन्सी प्रालिको नाममा नामसारी गरेको घटनामा अनुसन्धानका लागि उनलाई पक्राउ गरेको सीआईबीले जनाएको छ ।
उनीसँगै बाँसबारी छालाजुत्ता कारखानाका तत्कालिन कार्यकारी प्रमुख अजितनारायण थापालाई पनि पक्राउ गरेको छ । थापा कार्यकारी प्रमुख भएका बेला बाँसबारी छाला जुत्ता कारखानाको जग्गा बेच्ने निर्णय भएको थियो ।
प्रहरीले व्यवसायी अरुण चौधरी लैनचौरबाट पक्राउ गरेको हो भने थापालाई बत्तीसपुतलीबाट पक्राउ गरेको हो ।
माघ १८, २०८० ०२:१९ मा प्रकाशित
