काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टी फुटको हल्ला निराधार भएको बताएका छन् ।
बिहीबार पार्टी कार्यालय पेरिसडाँडामा स्थायी कमिटीको बैठकपछि बाहिरिने क्रममा सञ्चारकर्मीसँग कुरा गर्दै प्रचण्डले पार्टी फुट्दैछ भनेर चलाइएको हल्ला निराधार भएको बताएका हुन् । पार्टीभित्र देखिएका कतिपय सन्दर्भमा आएका आशंका र भ्रम बैठक समापन हुदाँसम्म चिरिएको उनले बताए । त्यस्तै उनले संक्रमणकालीन न्यायसँग सम्बन्धीत विधेयक पीडितमैत्री रहेको उल्लेख गरे ।
उनले विधेयकहरुले पीडितहरुको मागलाई राम्रोसँग सम्बोधन गरेकाले ढुक्क हुन आग्रह गर्दै अव कार्यान्वयनमा जोड दिने बताए । वर्तमान सरकारको एक महिने कार्यकालका विषयमा आफूले केही दिनमा संसदमा धारणा राख्ने उनको भनाइ छ ।
श्रावण ३१, २०८१ ०६:१५ मा प्रकाशित
