काठमाडाैँ । प्रतिनिधिसभा सदस्य तथा नेपाली कांग्रेसका महामन्त्री गगन थापाले जतिसुकै शक्तिशाली भए पनि गलत गर्दा कारबाही हुनुपर्ने बताएका छन् । संसदमा बाेल्दै उनले नागरिकता किर्ते गर्ने सरकारी जग्गा हडप्ने र सहकारीमा ठगी गर्ने जो कोही पनि कारवाहीको दायरामा आउनुपर्ने बताए ।
थापाले वीरगंजका मेयर राजेशमान सिंहको नागरिकता किर्ते प्रकरणतर्फ संकेत गर्दै भने, ‘जतिसुकै शक्तिशाली होस्, जुनसुकै पदमा बसेको होस्, हातमा ताकत होस् कलम होस् । नागरिकता बनाउनलाई किर्ते गर्छ भने फलानो दलसँग जोडिएको छ त्यसकारकाण उसले किर्ते गरेपनि किर्ते माफी हुन्छ । चल्छ ?’
थापाले केही दिनअघि वीरगंजमा आयोजित कार्यक्रममा वीयरगंजका मेयर राजेशमान सिंहको पार्टी गठबन्धन सरकारमा भएको कारण छानबिनमा ढिलाई भएको ठोकुवा गरेका थिए ।
माघ २४, २०८० १२:०९ मा प्रकाशित
