काठमाडौंको गैरीगाउँमा भएको चार जनाको हत्या प्रकरणमा प्रहरीले पक्राउ गरेका दिपेन्द्र राई मदिरामा लट्ठ भएका कारण घटना मदिरा सेवन पछि भएको आशंका प्रहरीले गरेको छ ।
काठमाडौँ प्रहरी परिसरका अधिकारीका अनुसार अहिलेसम्म राई मदिरामा लट्ठ छन् भने सोधेका कुराको जवाफ दिइरहेका छैनन् ।
मदिरा सेवन पछि घटना भएको आशंका गरिएपनि घटनास्थलमा भने मदिरा सेवनको प्रमाण नभेटिएको प्रहरीले जनाएको छ ।
गैरीगाउँ स्थित समिलमा दोलखा घर भएका अन्दाजी ५५ वर्षीय कुमार भुजेल, उनकी श्रीमती अम्बिका भुजेल र आमा सुभद्रा भुजेलको धारिलो हतियार प्रयोग गरी हत्या भएको हो । यस्तै मोरङ बेलबारी स्थायी घर भएका अन्दाजी २० वर्षका नविन राईको पनि हत्या भएको छ ।
उनीहरूको शव परीक्षणका लागि टिचिङ अस्पताल महाराजगन्ज लगिएको छ ।
भाद्र ३०, २०८० ०१:५१ मा प्रकाशित
