काठमाडौं । सुपरअभोरमा अमेरिकामाथिको जितसहित नेपालले टी २० आई सिरिज जितेको छ । आज भएको सुपर ओभरमा पनि अमेरिकालाई हराउँदै जिते निकालेपछि एक खेल अगावै सिरिज जितेको हो । सिरिजअन्तर्गत अमेरीकासँगको दोस्रो खेल बराबरीमा टुंगिएपछि खेल सुपरओभरमा पुगेको थियो ।
टस जितेर ब्याट रोजेको नेपालले अमेरिकालाई १७१ रनको लक्ष्य दिएको थियो । तर अमेरीकाले २० ओभरमा ८ विकेटको क्षतिमा १७० रन बनाएपछि खेल सुपर ओभरमा पुगेको थियो ।
सुपर ओभरमा ३ रनको लक्ष्य पाएको नेपालले २ बल अगावै लक्ष्य पुरा गरेको थियो । सुपर ओभरमा नेपालका लागि कप्तान रोहित पौडेल २ र कुशल भुर्तेल एक रनको योगदान गरे ।
सुपर ओभरमा नेपालका सोमपाल कामीको उत्कृष्ट प्रदर्शनसँगै अमेरिका २ रनमै रोकिएको थियो। सोमपालले तेस्रो र चौथो बलमा लगातार विकेट लिए । शायन जहाँगीर एक र आरोन जोन्स शुन्य रनमा आउट हुँदा आन्द्रेस गौस एक रनमा अविजित रहेका थिए ।
