ललितपुर । मन्दिरको जग्गा मिचेको भन्दै ललितपुर महानगरपालिकाले अख्तियार दुरुपयोग अनुसन्धान आयोगकी आयुक्त डा सुमित्रा अमात्यको घरको पर्खाल भत्काएको छ ।
ललितपुर महानगरपालिका १० चाकुपाटस्थित डा अमात्यको घरको कम्पाउण्ड पर्खाल बुधबार दिउँसो महानगरपालिकाको टोलीले डोजर लगाएर भत्काएको महानगरका प्रवक्ता राजु महर्जनले बताए । अमात्यले गुठीको जग्गा मिचेको र गुठीयारले जग्गा खाली गराउन पटक पटक आग्रह गर्दा पनि अटेर गरेपछि डोजर चलाइएको महानगरले जनाएको छ।
महानगरका मेयर चिरिबाबु महर्जनको निर्देशनमा अमात्यको घरको मूलगेट र पर्खाल भत्काइएको हो।
असार १९, २०८१ ०५:१७ मा प्रकाशित
