काठमाडाैँ । शालिन पोखरेल मृत्यु प्रकरणमा ३ जनाविरुद्ध आत्महत्या दुरुत्साहन मुद्दा दर्ता भएको छ । शालिन पढ्ने शिशु निकेतन स्कुलका प्रिन्सिपलसहित ३ जनाविरुद्ध मुद्दा दर्ता भएको जिल्ला सरकारी वकिलको कार्यालय चितवनले जनाएको छ ।
विद्यालयका प्रधानाध्यापक बालहरि देवकोटा, भाइस प्रिन्सिपल किरणबहादुर अधिकारी र होस्टलका वार्डेन कमल पौडेलविरुद्ध जिल्ला प्रहरी कार्यालयले जिल्ला अदालत चितवनमा आत्महत्या दुरुत्साहमा मुद्दा दर्ता गरेको हो।
गत फागुन १२ मा चितवनको रत्ननगर नगरपालिका–१० स्थित एकता शिशु निकेतनको होस्टेलमा शालिन पोखरेल झुण्डिएको अवस्थामा फेला परेकी थिइन् । उक्त घटनामा बालिकाको बलात्कारपछि हत्या भएको भन्दै मृतकका परिवारले प्रधानाध्यापकसहित ३ जना विरुद्ध किटानी जाहेरी दिएका थिए । तर पोस्टमार्टम रिपोर्टमा उनको हत्या नभएर आत्महत्या देखिएको थियो । ज्यान सम्बन्धी कसुरमा जाहेरी दिएपनि सो कसुरमा प्रमाण नजुटेपछि मुद्दा परिवर्तन गरिएको थियो ।
