काठमाडौं । सन्दीप लामिछाने बलात्कारको कसूरमा दोषी ठहर भएपछि पीडित किशोरी भन्दै तस्विर सार्वजनिक गर्ने व्यक्ति पक्राउ परेका छन् । पक्राउ पर्नेमा संखुवासभाको चिचिला गाउँपालिका वडा नम्बर २ का ३२ वर्षीया केशरमान राई रहेका छन् ।
सामाजिक सञ्जालमा नाम, ठेगाना र तस्वीर सार्वजनिक गरी दुःख हैरानी तथा मानसिक आघात पुर्याएको भन्दै गौशला २६ ले प्रहरीको साइबर ब्युरोमा उजुरी दिएकी थिइन् । उजुरीपश्चात अनुसन्धानको क्रममा संखुवासभाका राईले उक्त कार्य गरेको पाइएपछि निजलाई पक्राउ गरिएको ब्युरोका प्रवक्ता प्रहरी उपरीक्षक पशुपति कुमार रायले जानकारी दिए ।
राई मंगलबार संखुवासभाबाट पक्राउ परेका थिए । उनीमाथि थप अनुसन्धान गर्न जिल्ला अदालतले ७ दिनको म्याद दिएको छ भने प्रहरीले विधुतीय कारोबार ऐन २०६३ अनतर्गत अनुसन्धान गरिरहेको छ ।
साथै सामाजिक सञ्जालमा गौशाला २६ को भन्दै तस्वीर सार्वजनिक अन्य व्यक्तिहरुको खोजी भइरहको प्रहरीले जनाएको छ ।
