झापा । झापाको मेचीनगर गैरीगाँउ स्थित सशस्त्र प्रहरी र स्थानीयबीच झडप भएको छ । झडपका क्रममा खुकुरी प्रहार भएको स्थानीयले दाबी गरेका छन् ।
सिधाकुरालाई प्राप्त भिडियोमा दुबै पक्षबाट ढुंगामुढा भएको देखिन्छ भने घटनास्थलमा खुकुरी प्रहार समेत भएको स्थानीय विजय चौधरीले बताए । घाइतेहरुलाई उपचारका लागि विएण्डसी अस्पताल लगिएको छ ।
झापाका प्रमुख जिल्ला अधिकारी बन्दुप्रसाद बाँस्तोलाले झडप भएको पुष्टि गरे । स्थानीयले सशस्त्र प्रहरी माथि आक्रमण गरेपछि प्रहरीले प्रतिरक्षा गर्दा घटना भएको उनले बताए । प्रजिअ बाँस्तोलाका अनुसार घटनास्थलमा थप प्रहरी परिचालन गरिएको छ ।
फाल्गुन १८, २०८० ०८:५८ मा प्रकाशित
