दाङ । दाङमा गोली हानेर डिउटीमा रहेकी महिला प्रहरीको गोली हानी हत्या भएको छ । घोराहीको दामोदर चोकमा डिउटीमा रहेका महिला प्रहरी जवान धनमाया थापाको गोली हानेर हत्या गरिएको हो ।
वडा प्रहरी कार्यालय घोराहीमा कार्यरत प्रहरी जवान धनमाया थापा डिउटीमै रहेको बेला उनकै श्रीमान्ले गोली हानेर हत्या गरेको जिल्ला प्रहरी कार्यालय दाङले जानकारी दिएको छ ।
घटना करिब साढे ७ बजे भएको हो । गोली हानेर भाग्दै गरेका यमबहादुर झाक्रीलाई लमही अर्जुनखोलाबाट पक्राउ गरेको प्रहरीले जानकारी दिएको छ । झाक्री नेपालगञ्जमा कार्यरत प्रहरी रहेको बताइएको छ । हत्याको कारण खुल्न सकेको छैन् ।
फाल्गुन ३, २०८० ०९:२२ मा प्रकाशित
