रौतहटमा शिव मनि ट्रान्सफरका संचालक नितेश कुमार यादवमा गोली प्रहार भएको छ । २६ वर्षिया यादवमाथि करिब दिनको १ बजे गोली प्रहार भएको हो ।
उनीमाथि गोली प्रहार गर्ने तीन जनालाई नियन्त्रणमा लिइएको जिल्ला प्रहरी कार्यालय रौतहटका प्रवक्ता डीएसपी एजिला गिरीले बताइन् । पक्राउ पर्नेहरुमा मोतिहारी बिहार घर भएका मुनिष यादव, राजा कुमार पास्वान र चन्द्रभान सिंह रहेका छन् । पक्राउ परेकाहरुको साथबाट कटुवा पेस्तोल बरामद भएको प्रहरीले बताएको छ ।
गोली लागी घाइते यादवलाई उपचारका लागि वीरगंज पठाइको छ । मनि ट्रान्सफरका संचालकमाथि आक्रमण भएकाले लुटपाट गर्ने उद्देश्यले गोली प्रहार गरेको हुनसक्ने प्रहरीको आशंका छ । उनीहरुमाथि थप अनुसन्धान भइरहेको प्रहरीले जनाएको छ ।
चैत्र २, २०८० ०२:३८ मा प्रकाशित
