लामो यात्रा तय गरेर हामी बुटवल आइपुगेका छाैँ। यो तीन दिनमा हाम्रो शरीरमा के के भएको छ ? खुट्टा सुन्निएको छ, कयौं फोकाहरु उठेर फुटेका छन् । यो हामीलाई महसुस भएको छ त्यो पनि जम्मा ३ दिनमा । यो तीन दिनमा हाम्रो शरीरले जे जे दुःख भोग्यो अहिले महसुस भएको छ । बितेको कयाैँ वर्षमा यहाँका जनताले, यात्रुले सडक वरपरका व्यवसायीले के के दुःख र कष्ट भोगे होलान ?
यो उनीहरु माथिको अत्याचार हो । राज्यले, यहाँका अन्य सरोकारवाला निकाय र सबै मिलेर गरिखाने जनतामाथि गरेको यो अत्याचार हो । एउटा युगमाथि गरिएको अपराध हो । यो बाटोको यात्रामा हिँड्दै जाँदा हामी आउने थाहा पाएर बिजोग नदेखाउन सडक छेउछाउमा पानी हालेको समेत देखियो । टालोले धुलो छोपेको पनि देखियो । हामीले त भनिरहेका छौँ कि यो सबै जनताका लागि गर । तर, यो बर्बादी एउटा पुस्ता र युगले भोग्नु प¥यो । नारायणगढ बुटवल सडकको दुरावस्था यो देशको बर्बादीको ऐना हो । यो बाटोमा एसी गाडीमा बसेर झण्डा हल्लाउँदै हिँड्ने राजनीतिको हामी बिरोध गर्दछौं । अबको युवाहरु जनतालाई सास्ती दिने राजनीतिको पक्षमा हुनै सक्दैन ।
हाम्रो यो अभियान हाम्रो राजनीतिक श्री बृद्धिका लागि होइन । हामीले जनताको समस्या बुझ्न जनताको दुःख हेर्न जनता भएर महसुस गर्न आएका हौँ । हामीले अभियानका क्रममा साथीहरुले छिटफुट नारा लगाएकाबाहेक हाम्रो दलको झण्डा र प्रचार केही गरेका छैनौँ । हामी हाम्रो जनाताँंग भिज्न चाहन्छौँ । कसैलाई लाग्न सक्छ यो कुनै राजनीतिक खुड्किलो हो । यदि बाटो बनाएर राजनीति हुन्छ भने रास्वपा बाटो बनाउने राजनीति गरिरहन्छ । सरकार, ठेकदार र निर्माण कम्पनी सबैलाई भन्छौँ कुनै पनि हालतमा समय निर्धारण गरेर कहिलेसम्म गुणस्तरीय बाटो बन्छ भनेर जनतालाई बताइन भने हामी सधैँ बाटोमा धुलो खाएर हिँड्दैनौ हामी धुलो चटाउँछौँ । म फेरि पनि भन्न चाहन्छु जसले सधैँ जनतालाई धुलो खुवाउँछ उसलाई जनताले नै धुलो चटाउँछन् ।
तपाईँहरुले मिसन ८०, ८० भन्नुभएको थियो नि मिसन ८० मध्येको एउटा मिसन ८० यो पनि हो । हामी अहिलेनै काम गरिरहेका छौँ प्रत्येक दिन । ८४ कुरेर ढुकेर धुपबत्ती बालेर बसिरहेको छैन रास्वपा । हाम्रा सांसदहरु प्रत्येक दिन संसदीय समितिका संसदमा काम गरिरहेका छाँै, फिल्डमा काम गरिरहेका छौँ, हामी प्रतिवेदन, कार्यपत्र बनाउने निति नियम बनाउने तहमा काम गरेका छौँ । तर एसी रुममा मात्रै बस्ने छुट हामीलाई छैन, जनतासँग दुःखमा निस्कीनु पर्छ, हण्डर खानुपर्छ घाममा पोलिनु पर्छ हिलो धुलो मैलो सबै सहनु पर्छ ।
अघिल्लो पुस्ताको चुनौती वेग्लै थियो । उनीहरु गोलाबारीसँग लड्नु परेको थियो, जेल नेल भोग्नु परेको थियो । तर हाम्रो पुस्ताको राजनीति फरक छ । हाम्रो पुस्ताको चुनौती फरक छ । हाम्रो पुस्तालाई धुलोले मार्यो । धुलोबाट मुक्त दिलाउनु पर्यो । र बाटो नबनेको कारण कयौँ व्यवसायीहरु देश छोडेर जान विवश भए । यो दबाबको यात्रा निरन्तरता प्रधान गर्ने छौँ ।
यहाँबाट सुरु भएको दबाब यात्रा, अब निरन्तर रहनेछ । अबदेखि रास्वापको मिसन ८० मध्येको एउटा कार्यक्रम लामो समयदेखि अवरुद्ध रहेको आयोजनाको निमार्ण आयोजनाहरुलाई समयमै सम्पन्न गराउनका निमित्त दबाब सिर्जन गर्ने छ ।
खबरदार आफू एसीवाला गाडीमा बसेर, घरमा बसेर, सरकारी अड्डामा बसेर, घरमा बसेर जनतालाई एक युगसम्म अध्यारोमा, हिलो, धुलोमा राख्ने युग अन्त्य नभएसम्म रास्वपा निरन्तर लडिरहने छ ।
हामी निर्माण कम्पनीसँग लक्षित छैनौँ, हामी सरकारसँग मात्र लक्षित छैनाँै, ठेकेदारसँग मात्र लक्षित छैनाँै । समग्रमा यो बाटो बनाउन कसले रोक्यो ति सबै जना एउटै टेबलमा बसेर एकै दिनमा बताउनु पर्यो, अड्किएको बादा फुकाउनु पर्यो । र यो बाटोलाई सम्पन्न गर्नुपर्यो । एकअर्कालाई आरोप प्रत्यारोपले नेपाली जनताले वर्षौँ दुःख पाए । त्यसको अन्त्यका लागि हामीले यो पहल सुरु गरेका हौँ । मलाई विश्वास छ सबै निकाय एकअर्कालाई आरोप लगाएर बस्नुहुने छैन ।
निमार्ण कम्पनीले पनि हामीलाई चासो देखाएको थियो । तर हामीले ठेकेदारसँग पनि लक्षित छैनौँ । हामीले दुई देशको सम्बन्धनै फरक पार्नेगरि यो अभियान गरिहएको होइन । हाम्रो अभियानको लक्ष्य नेपाली जनता हुन् । जसले दुख पाए तिनको दुख हरण गर्नुपर्यो भन्ने कुरामा हामी लक्षित भएका हौँ ।
यात्रामा माया हौशला साथ दिनेहरु सबैलाई धन्यवाद !
हामी आउँदै गर्दा हल्ला भएर केही मानिसहरु फ्याट्ट फुट्ट काम गरेको देखिएपनि ११३ किलोमिटरको यात्रामा एउटा घर बनाउन चाहिने मान्छे जत्तिले पनि काम गरिरहेका थिएनन् । केही मान्छेले मात्रै काम गरेको देखियो । यति ठुलो जनसंख्याको लाइफलाइन, यति ठुलो गौरवको आयोजना बनाउन पनि मानिसहरु तल्लीन थिएनन्, केही मान्छे हामीलाई देखाउन आज मात्रै ल्याइएको पनि थियो । जसले यो गल्ती गरेको हो त्यसले सोचोस्, सच्चियोस् । यादव रहोस्, रास्वपा सँधै टुलटुलु हेरेर धुलो मात्रै खाँदैन, अझै बाटो नबनाउने हो भने सडक नबनाएर धुलो खुवाउनेहरुलाई धुलो चटाउँछ पनि ।
कानुनको अस्पष्टतालाई चिर्ने काम हाम्रो हो । हामी त्यसतर्फ नि केन्द्रित हुनेछौँ । भौतिक निर्माणसँग सम्बन्धित संसदीय समितिमा रहनुभएकी हाम्री सांसद निशा डाँगीपनि हामीसँग हुनुहुन्छ । उहाँले पनि पीडा महसुस गर्नुभएको छ । उहाँले पनि कुरा उठाउनुहुनेछ । चाहे वन होस, चाहे विद्युत, चाहे दुरसंचार, ति अस्पष्टता फुकाउन त लाग्नेनै छौँ । त्यो भन्दा पहिले ठेकेदार साथीहरुले पैसा पाउनुभएको छैन । पैसा नपाएपछि उनीहरुले काम गरेका छैनन् । तर सम्पूर्ण गाली ठेकेदारहरुलाई गरिएको छ । यो गलत हो । उहाँहरुले काम गरेपछि पैसा पाउनुपर्ने हुन्छ । सरकारले ति निर्माण व्यवसायीले के कारणले पैसा पाएका छैनन्, त्यो प्रधानमन्त्रीले लामो भाषण गर्नुपरेन । हिजो मैले सुन्न त पाइँन । यो गर्छु, उ गर्छु भन्नु भएको छ रे । त्यति गर्नै परेन । एउटा चेक काटेर खाममा हालिदिए भइहाल्यो । निर्माण व्यवसायीले चेक पाएभने र सरकारले अनुगमन गर्यो भने यो बाटो बन्न सक्छ । पहिलो कानुन त त्यो हो, त्यो गर्नुपर्छ । त्यसपछि हामी सबै संसदीय समितिलाई एकैठाउँ बोलाएर कानुलाई संसोधन गर्न परे संसोधन, परिमार्जन गर्न परे परिमार्जन जे गर्नुपरे पनि रास्वपाले, रास्वपाका सांसदले गर्नेछन्, गरिसक्नुभएको छ ।
