काठमाडाैँ । सरकारले सहकारीमा देखा परेको समस्या र सहकारीका कारण बचतकर्ताले व्यहोर्नुपरेको समस्या समाधानको प्रक्रिया सुरु गर्ने भएको छ । बिहीबार बसेको मन्त्रिपरिषद् बैठकमा सहकारीहरुको समस्याका बारेमा छलफल भएको र सहकारीका कारण बचतकर्ताले ब्यहोर्नुपरेको समस्या समाधानको प्रक्रिया सुरु निर्णय गरेको छ ।
मन्त्रीपरिषद् बैठकपछि संचारकर्मीहरुलाई निर्णय सुनाउँदै उनले सहकारी समस्या समाधानका लागि कानुन र संरचना फास्ट ट्रयाकबाट भएपनि बनाएर समस्या समाधान गर्ने विषयमा छलफल भएको बताइन् । उनले भनिन्, ‘सहकारी समस्या पीडितको समस्या समाधान गर्न कानुनी व्यवस्था फास्ट ट्रयाकबाट गर्ने र संरचना पनि फास्ट ट्रयाकबाट बनाउनुपर्छ भन्ने कुरा बैठकमा गम्भीरतापूर्वक छलफल भएको छ।’
त्यस्तै आजको मन्त्रीपरिषद् बैठकले उच्च अदालत पाटनका न्यायाधीश सुदर्शनदेव भट्टलाई सो अदालतको कामकाज समेत गर्ने गरी काठमाडौँ उपत्यका विकास प्राधिकरण ऐन, २०४५ को दफा २३ को उपदफा २३.१ अनुसार पुरावेदन समितिको अध्यक्ष तोक्ने र देशभरका विभिन्न स्थानमा आगलागी र डढेलोका कारण भइरहेको क्षति न्यूनिकरण र तत्काल आगलागी नियन्त्रण गर्न सम्बन्धित निकायलाई गम्भीरतापूर्वक क्रियाशील हुन निर्देशन दिने निर्णय गरेको छ ।