काठमाडाैँ । प्रहरी प्रधान कार्यालयले धादिङका प्रहरी प्रमुखलाई हेडक्वार्टर तानेको छ । विपदको समयमा सन्तोषजनक कार्यसम्पादन नगरेको भन्दै गृह मन्त्रालयले धादिङका प्रमुख जिल्ला अधिकारीलाई मन्त्रालय तानेसँगै प्रहरी प्रधान कार्यालयले प्रहरी प्रमुख एसपी गौतम केसीलाई समेत हेडक्वार्टर तानेको हो ।
अविरल वर्षासँगै गएको बाढी र पहिरोको समयमा समग्र जिल्लाको सुरक्षा कमाण्ड सम्हालेका एसपी गौतमले उचित भूमिका निर्वाह नगरेको भन्दै हेडक्वार्टर तानिएको हो । उनको स्थानमा दीपेन्द्र शाहीलाई जिम्मेवारी दिएर पठाइएको छ ।
बिहिबार देखि परेको अविरल वर्षापछि धादिङको झ्याप्ले खोलामा गएको पहिरोमा परि ३ यात्रुबाहक बस र २ हायस पुरिएका थिए । जसमा ३५ यात्रुको मृत्यु भएको थियो ।
जल तथा मौसम विज्ञान विभाग, मौसम पूर्वानुमान महाशाखाको पूर्वानुमानसँगै उक्त क्षेत्रमा सवारी साधन सञ्चालनमा रोक लगाउन भनिएको थियो । तर प्रशासनले सो सुझाव कार्यान्वयनमा समेत अन्देखा गरेको भन्दै प्रहरी प्रमुख र प्रमुख जिल्ला अधिकारीलाई काठमाडौँ तानिएको छ ।
गृह मन्त्रालयले धादिङका प्रमुख जिल्ला अधिकारी राजेन्द्रदेव पाण्डेलाई हटाएर मन्त्रालयका सहसचिव सुमन घिमिरेलाई जिम्मेवारी दिएको छ ।
-
Chandra Khadka 17 days agoNamskar ma hal Qatar bata Yo dukako gahdima udar ma katinu hunya sampunama saman sorup namskar Ani yo bpatma jo lid garnalai सरकारले saboi kam diyako tiyo Tasma ramro sita kam nagarny karmacailai karbai hos jaha abiral barsako samyama ratri bas calauna diyo uniharlai kanuni karbai hos. Namaskar
