सीआईबीको हिरासतमा हुनुपर्ने ‘झलकराम अधिकारी’ किन तानिए मन्त्रालय ?
भदौ ७, काठमाडौ । सुन तस्करीका नाइके दावा छिरिङसँग डिल गरेका अध्यागमन विभागका महानिर्देशक झलकराम अधिकारीलाई गृह मन्त्रालयले जोगाउन खोजेको आशंका उब्जिएको छ ।
सुन तस्करीका नाइके दावासँग लामो कुराकानी गरेको प्रमाण बाहिरिएपछि सीआईबीको अनुसन्धानमा तानिनुपर्ने अधिकारी गृह मन्त्रालयमा तानेर मन्त्रालयले जोगाउन खोजेको आशंका हुन थालेको हो ।
सिधाकुरामार्फत अधिकारीको सुन तस्करीका नाइके भनिएका दावा छिरिङसँगको संवाद बाहिरिएपछि गृहले अधिकारीलाई मन्त्रालय तानेर जगेडामा राखेको छ ।
साउन २ मा राजश्व अनुसन्धान विभागले विमानस्थल भन्सार बाहिरबाट बरामदको ६० किलो सुनको अनुसन्धानका क्रममा बेल्जियम नागरिक दावा छिरिङलाई पक्राउ गरेको थियो ।
दावाको फोन फरेन्सिक ल्यावबाट परीक्षण गर्दा अधिकारीसँग कुराकानी भएको भेटिएको थियो । वी–च्याट संवादमा दावाले ठूलो पैसाको ठुलो काम भएकाले भेट्नु पर्ने भनेका थिए । जवाफमा अधिकारीले ‘ओके स्योर’ भन्ने जवाफ फर्काएका थिए । साथै अधिकारीले दावालाई पानी तान्ने मोटरको फोटो र भन्सारका कागजपत्र समेत पठाएको थिए । अधिकारीले फोटो पठाएकै मोटर दावाको टोखा स्थित सुन पगाल्ने फ्याक्ट्रीमा भेटिएको थियो । प्रहरीको जारी अनुसन्धानमा दावाले यसअघी सोही मोटरमा राखेर सुन भित्राउने गरेको हुनसक्ने अनुमान गरेको छ ।
(दावाको वी–च्याट स्कृनसट सिधाकुरासँग सुरक्षित छ ।)
बुधबार सिधाकुराले दावासँग महानिर्देशक अधिकारीको वी–च्याट संवाद सार्वजनिक गरेको थियो । अधिकारीले समेत दावासँग भेट भएको र म्यासेजमा कुराकानी भएको पनि स्वीकार गरेका छन् ।
स्रोतका अनुसार समाचार प्रकाशन भएपछि केन्द्रीय अनुसन्धान ब्यूरो सीआईबीले अधिकारीलाई पक्राउ गर्ने तयारी थियो । तर बिहिबार अधिकारी मन्त्रालय तानिए ।
कनेक्सन पुष्टि हुने संवाद बाहिरिएपछि अनुसन्धानका लागि सीआईबीको जिम्मा लगाउनुपर्ने गृहले मन्त्रालय तानेर संरक्षण गर्न खोजेको आशंकालाई बलियो बनाएको छ ।
गृहमन्त्री नारायणकाजी श्रेष्ठले भने आफू दोषीलाई कारबाही गर्ने विषयमा सम्झौता नगर्ने भएकाले यस्तो आशंका नगर्न आग्रह गरेका छन् । गृहमन्त्री नारायाणकाजी श्रेष्ठले सिधाकुराका प्रकाशित समाचार पढेपछि आफूले अध्यागमनबाट मन्त्रालय तानेर जिम्मेवारीबिहिन बनाएकाले बाँकी अनुसन्धान सीआईबीले गर्ने बताए । यद्यपी यो समाचार तयार पार्दासम्म सीआईबीले अधिकारीमाथिको अनुसन्धान भने थालेको छैन ।
'सिधाकुरा द सेक्रेट अफ गोल्ड माफिया' सिरिज पढ्नुहोस्
- सुन तस्कर जोगाउन प्रधानमन्त्री र गृहमन्त्रीको दबाबमा गैरकानूनी अनुसन्धान
- सुन तस्करीमा ‘बिध ल्याब’का मालिक भिमकान्त भण्डारी
- Exclusive : सुन तस्करीमा जोडिए अध्यागमन विभागका महानिर्देशक अधिकारी, गृहमन्त्रीको भूमिकामा गम्भिर प्रश्न ?
- सिधाकुरा प्रभाव : अध्यागमनका महानिर्देशक मन्त्रालय तानिए
- गृहमन्त्री भन्छन् -झलकरामलाई पक्राउ गर्न सीआईबी स्वतन्त्र छ
काठमाडौँ महान प्रहरीको काम सराहनीय छः बालेन
विसं २०५० भदौ १४ गते स्थापना भएको महानगर प्रहरी बलान हाल ३६२ जना कार्यरत छन् । प्रहरी बलले गत वर्ष नियम उल्लङ्घन गरेका २० हजार ७३४ सवारीसाधन धनी... शनिबार, भदौ १४, २०८२
करिब ३० वर्ष बन्द भएर २ वर्षदेखि पुनः सञ्चालनमा आएको कृषि औजार कारखाना (तस्बिरहरु)
करिब ३० वर्षसम्म सञ्चालन नगरी थन्किएर बसेको वीरगन्जस्थित कृषि औजार कारखाना सञ्चालनमा आएसँगै विभिन्न १४ प्रकारका हाते औजार र मेसिनहरुको विकास र अनुसन्धान सुरु गरी सकेको छ । ... शनिबार, भदौ १४, २०८२
कार्यवाहक प्रधानमन्त्रीको जिम्मेवारी प्रकाशमान सिंहलाई
प्रधानमन्त्री केपी शर्मा ओली चीन भ्रमणका लागि आज त्यसतर्फ प्रस्थान गरेपछि उनको अनुपस्थितिमा सिंहलाई कार्यवाहकको जिम्मेवारी दिइएको हो । शनिबार, भदौ १४, २०८२
प्रधानमन्त्रीलाई बालेनले भने: ‘लिपुलेक हाम्रो नै हो भन्ने कुरा चीनलाई सम्झाउन नबिर्सनु होला’
उनले प्रधानमन्त्रीलाई भ्रमणको शुभकामना दिदै प्रधानमन्त्रीप्रति पूर्ण विश्वास भएको पनि बताएका छन् । उनले लेखेका छन् । 'चीन भ्रमणको शुभकामना प्रधानमन्त्रीज्यु । नेपालको लिपुलेक नाकाबाट व्यापार पुनः सञ्चालन... शनिबार, भदौ १४, २०८२भर्खरै
- काठमाडौँ महान प्रहरीको काम सराहनीय छः बालेन
- करिब ३० वर्ष बन्द भएर २ वर्षदेखि पुनः सञ्चालनमा आएको कृषि औजार कारखाना (तस्बिरहरु)
- कार्यवाहक प्रधानमन्त्रीको जिम्मेवारी प्रकाशमान सिंहलाई
- प्रधानमन्त्रीलाई बालेनले भने: ‘लिपुलेक हाम्रो नै हो भन्ने कुरा चीनलाई सम्झाउन नबिर्सनु होला’
- ५ किलो चरेशसहित होटल सञ्चालक पक्राउ
- कानुन भन्दा माथि कांग्रेस–एमाले ?
- प्रधानसेनापति सिग्देल स्वदेश फिर्ता
- आजको मौसमः देशभर मध्यम वर्षाको सम्भावना
